Kynning á Sáttmálanum

Fyrir frumkvæði Evrópuráðs hefur ungt fólk frá mismunandi löndum innan Evrópu útbúið þennan Evrópu Sáttmála fyrir Lýðræðislega Skóla án Ofbeldis, byggt á megin markmiðum og gildum Evrópubúa, sérstaklega þeirra byggðum á sáttmála Evrópuráðs um Mannréttindi og viðurkenndum frelsis gildum.

Þessi hópur ungs fólks mælir með því að allir skólar í Evrópu íhugi alvarlega að taka þennan Sáttmála til alvarlegrar íhugunar sem fyrirmynd til að ýta undir lýðræðislegt skólakerfi án ofbeldis.

Hafa skal í huga mismunandi aðstæður til menntunar í Evrópulöndum, Sáttmálinn getur annaðhvort verið samþykktur sem slíkur eða viðurkenndur og frekar bættur af skólunum eftir því sem við á, þó skal anda hans og meginmarkmiðum viðhaldið.

Minnisskjal fylgir þessum Sáttmála sem inniheldur útskýringar og dæmi til að auðvelda aðlögun hans.

Evrópu Sáttmáli fyrir Lýðræðislega Skóla án Ofbeldis

1.Allir meðlimir skólasamfélagsins eiga rétt á öruggum og friðsömum skóla. Allir hafa þá ábyrgð að leggja sitt af mörkum til þess að skapa jákvætt og hvetjandi umhverfi til menntunar og þroskunar persónuleikans.

2. Allir eiga rétt á því að komið sé fram við þá á sama hátt og af sömu virðingu án
tillits til persónulegs mismunar. Allir njóta frelsis til tjáningar án þess eiga á hættu mismunun eða bælingu af hálfu annarra.

3. Skólasamfélagið ber ábyrgð á því að allir séu meðvitaðir um réttindi sín og skyldur.

4. Allir lýðræðislegir skólar hafa lýðræðislega kosið skólaráð, sem sér um
ákvarðanatökur innan skólans. Það ráð samanstendur af fulltrúum nemenda, kennara, foreldra og öðrum meðlimum skólasamfélagsins þar sem við á. Allir meðlimir skólaráðsins hafa rétt til þess að kjósa um ákvarðanir varðandi skólann.

5. Í lýðræðislegum skóla eru hvers kyns árekstrar eða deilur leystar á ofbeldislaus
og uppbyggjandi hátt í samvinnu við alla meðlimi skólasamfélagsins. Hver skóli hefur innan síns samfélags þjálfaða nemendur og starfsfólk sem sinnir því hlutverki að leysa hvers kyns árekstra og deilur með ráðgjöf og samningaviðræðum eftir því sem við á.

6. Hvert og eitt tilfelli af hvers kyns ofbeldi er rannsakað og tekist er á við það við upphaf þess og því fylgt eftir hvort sem nemendur eða aðrir meðlimir skólasamfélagsins eiga hlut að máli.

7. Skólinn er hluti af hinu víðara samfélagi. Samvinna og upplýsingaflæði milli
skólans og aðila utan hans er mikilvægt til þess að koma í veg fyrir og leysa hvers kyns vandamál.